సెంట్రల్‌ బ్యాంక్‌కు భారీ నష్టాలు

మార్చితో ముగిసిన త్రైమాసికంలో సెంట్రల్‌ బ్యాంక్‌ ఆఫ్‌ ఇండియా నికర నష్టం రూ.1,349.21 కోట్లకు చేరింది. ఏడాది క్రితం ఇదే త్రైమాసికంలో బ్యాంక్‌ రూ.1,529.07 కోట్ల నష్టాన్ని ప్రకటించింది. పూర్తి ఆర్థిక సంవత్సరం (2020-21)లో బ్యాంక్‌ లాభం రూ.887.58 కోట్లకు తగ్గింది. 2019-20 లాభం రూ.1121.35 కోట్లతో పోలిస్తే ఇది 20.84 శాతం తక్కువ. ఇదే సమయంలో ఆదాయం కూడా రూ.6,723.73 కోట్ల నుంచి రూ.5,779.84 కోట్లకు తగ్గింది. బ్యాంక్‌ స్థూల నిరర్థక ఆస్తులు (ఎన్‌పీఏలు) 18.92 శాతం నుంచి 16.55 శాతానికి తగ్గాయి.