జియోబుక్‌… నిరాశ
రిలయన్స్‌ ఎంతో ఆర్భాటంగా విడుదల చేసిన జియోబుక్‌ పట్ల నెటిజన్లు తీవ్ర నిరాశ వ్యక్తం చేస్తున్నారు. ఆధునాత జియోఓఎస్‌ ఆపరేటింగ్ సిస్టమ్‌తో నడిచే ల్యాప్‌ట్యాప్‌ను జియో ఇవాళ మార్కెట్‌లో విడుదల చేసింది. 990 గ్రాముల బరువు ఉన్న ఈ ల్యాప్‌ట్యాప్‌ 4జీ ఎల్‌టీసీ సిమ్‌తో వస్తోంది. 4జీబీ ర్యామ్‌, 64 జీబీ ఫ్లాష్‌ మెమరీతో వచ్చిన ఈ ల్యాప్‌ ట్యాప్‌ మెమరీని 256 జీబీ వరకు పెంచుకోవచ్చు. 11.6 ఇంచీల హెచ్‌డీ డిస్లే ఉన్న ఈ జియో బుక్‌ను రూ. 16499లకు అందిస్తున్నట్లు జియో పేర్కొంది. అయితే ఈ కాన్ఫిగరేషన్‌.. ఇంతకన్నా మంచి లాప్‌ట్యాప్‌లు వస్తున్నాయని చాలా మంది నెటిజన్లు కామెంట్‌ చేస్తున్నారు. మొత్తానికి జియో నుంచి మరో ప్రొడక్ట్‌ అంచనాలకు భిన్నంగా నిరాశకల్గించిందని చెప్పొచ్చు.
