ఎస్‌బీఐ పండుగ ఆఫర్లు

ఎస్‌బీఐ పండుగ ఆఫర్లను ప్రకటించింది. కార్‌ లోన్‌ కస్టమర్లకు 100 శాతం ప్రాసెసింగ్‌ రుసుము మినహాయింపుతోపాటు వాహనం ఆన్‌-రోడ్‌ ధరలో 90 శాతం వరకు రుణం పొందే సౌకర్యం కల్పిస్తున్నట్లు తెలిపింది. ‘యోనో’యాప్‌ ద్వారా కార్‌ లోన్‌కు దరఖాస్తు చేసుకునేవారికి రుణ వడ్డీపై 0.25 శాతం రాయితీ కూడా లభించనుంది. యోనో వినియోగదారులకు కార్‌లోన్‌పై వడ్డీ రేటు 7.5 శాతం నుంచి ప్రారంభమవుతుంది.

బంగారం తాకట్టు రుణాలపై వడ్డీలో 0.75 శాతం రాయితీ. అన్ని చానెళ్ల (ఆఫ్‌లైన్‌, ఆన్‌లైన్‌) ద్వారా గోల్డ్‌ లోన్‌ను 7.5 శాతం వార్షిక వడ్డీ రేటుకే పొందే సౌలభ్యం. యోనో యాప్‌ ద్వారా గోల్డ్‌ లోన్‌ కోసం దరఖాస్తు చేసుకునే కస్టమర్లకు ప్రాసెసింగ్‌ రుసుము పూర్తిగా మినహాయింపు.

వ్యక్తిగత, పెన్షన్‌ రుణగ్రహీతలకు ప్రాసెసింగ్‌ రుసుము 100 శాతం మినహాయింపు.

ఫ్రంట్‌లైన్‌ హెల్త్‌ వర్కర్స్‌కు వ్యక్తిగత రుణ వడ్డీలో 0.50 శాతం ప్రత్యేక రాయితీ.

ఈనెల 31 వరకు గృహ రుణాలపై 100 ప్రాసెసింగ్‌ ఫీజు మినహాయింపును బ్యాంక్‌ గతనెలలోనే ప్రకటించింది.
ఎస్‌బీఐ గృహ రుణ వడ్డీ రేటు 6.70 శాతం నుంచి ప్రారంభమవుతుంది.

రిటైల్‌ డిపాజిట్‌దారుల కోసం ‘ప్లాటినమ్‌ టర్మ్‌ డిపాజిట్‌’ పథకం. ఈ ఆఫర్‌లో భాగంగా, 75 రోజులు, 75 వారాలు, 75 నెలల కాలపరిమితి డిపాజిట్‌పై 0.15 శాతం అదనపు వడ్డీ ఆదాయం పొందే అవకాశం కల్పిస్తున్నట్లు బ్యాంక్‌ తెలిపింది. ఈనెల 15 నుంచి సెప్టెంబరు 14 వరకు ఈ టర్మ్‌ డిపాజిట్‌ ఆఫర్‌ అందుబాటులో ఉండనుంది.