రిలయన్స్‌తో ఆరామ్‌కో ఒప్పందం త్వరలో?
రిలయన్స్‌ ఇండస్ట్రీస్‌కు చెందిన ఆయిల్ రిఫైనింగ్‌, కెమికల్స్‌ వ్యాపారంలో 20 శాతం వాటాను సౌదీ అరేబియా కంపెనీ ఆరామ్‌కో కొనుగోలు చేయనుంది. దీనికి సంబంధించిన డీల్‌ త్వరలోనే ఫైనల్‌ అవుతుందని బ్లూమ్‌బర్గ్‌ వార్తా సంస్థ పేర్కొంది. ఈ డీల్‌ కొన్ని వారాల్లోనే కుదురుతుందని, డీల్‌ విలువ 2,000 కోట్ల నుంచి 2,500 కోట్ల డాలర్ల మధ్య ఉండొచ్చని ఆ సంస్థ పేర్కొంది. రెండు కంపెనీల మధ్య ఒప్పందం కుదురుతుందన్న వార్త చాలా రోజుల నుంచి వస్తోంది. ఆరామ్‌కో ఛైర్మన్‌ యాసిర్‌ అల్‌ రుమయ్యాన్‌ రిలయన్స్‌లో డైరెక్టర్‌గా కూడా చేరారు.
