సంజీవ్‌ భాసిన్‌ టాప్‌ పిక్స్‌
ఈవారంలో ఇన్వెస్టర్లు కొనుగోలు చేసేందుకు మూడు షేర్లను ఐఐఎఫ్‌ఎల్‌ సెక్యూరిటీస్‌ డైరెక్టర్‌ సంజీవ్‌ భాసిన్‌ రెకమెండ్‌ చేశారు. ఎకనామిక్‌ టైమ్స్‌తో ఆయన మాట్లాడుతూ ప్రస్తుత వారానికి, 2024 ఏడాది కోసం కూడా ఈ షేర్లలో ఇన్వెస్ట్‌ చేయొచ్చని ఆయన సలహా ఇచ్చారు. అశోక్‌ లేలాండ్‌ ఆయన సూచించిన తొలి పిక్‌. ఈ షేర్‌ ఇపుడు రూ. 174 వద్ద ట్రేడవుతోంది. ఈ షేర్‌ను రూ. 230 లేదా రూ. 250 టార్గెట్‌ కోసం కొనుగోలు చేయొచ్చని ఆయన సలహా ఇచ్చారు. దేశీయ మార్కెట్‌లో ముఖ్యంగా కమర్షియల్‌ వాహనాల మార్కెట్‌లో ఈ కంపెనీ వాటా పెరుగుతోందని ఆయన చెప్పారు. టాటా మోటార్స్‌ వాటాను అశోక్‌ లేల్యాండ్ ఆక్రమిస్తోందని కూడా ఆయన తెలిపారు. కంపెనీ ఇంటర్నల్‌ కంబూస్టన్‌ కమ్యూనికేషన్‌ విభాగం కూడా బాగా రాణిస్తోందని అన్నారు. 2024 కోసం కూడా ఈ షేర్‌లో ఇన్వెస్ట్‌ చేయొచ్చని అన్నారు. ఆయన సూచించిన మరో షేర్‌ ఐసీఐసీఐ బ్యాంక్‌. ప్రైవేట్‌ బ్యాంకింగ్‌ రంగంలో అద్భుతంగా రాణిస్తున్న ఈ బ్యాంక్‌ నిమ్స్‌ పరిశ్రమలోనే అత్యధికమని అన్నారు. ప్రస్తుతం ఈ బ్యాంక్‌ షేర్‌ రూ. 995 వద్ద ట్రేడవుతోంది. ఈ షేర్‌ను రూ. 1250 టార్గెట్‌ కోసం కొనుగోలు చేయొచ్చని అన్నారు. లార్జ్‌ క్యాప్‌ షేర్లలోని ఈ షేర్‌ గత ఆరు నెలల్లో పెద్దగా రాణించలేదన్నారు. ఇక సంజీవ్‌ భాసిన్‌ సూచించిన మూడో షేర్‌ డీసీబీ బ్యాంక్‌. ఆగాఖాన్‌ ఫౌండేషన్‌ ప్రమోట్‌ చేసిన ఈ బ్యాంక్‌ ప్రస్తుతం రూ. 125 వద్ద ట్రేడవుతోంది. ఈ కంపెనీ షేర్లను ప్రమోటర్లు ప్రిఫరెన్షియల్‌ పద్ధతిలో రూ. 137 వద్ద ఒక్కో షేరును కొనుగోలు చేసిన విషయాన్ని ఆయన ప్రస్తావించారు. ప్రమోటర్లు సమకూర్చిన తాజా పెట్టుబడితో బ్యాంక్‌ మరింత బాగా రాణిస్తుందని భాసిన్‌ అన్నారు. 2024లో ఈ షేర్‌ స్టార్‌ షేర్‌గా మారే అవకాశముందని, రూ. 200 టార్గెట్‌ను ఈ బ్యాంక్‌ సాధిస్తుందని అన్నారు.
