కొన్ని గంటల్లోనే 90 శాతం డౌన్‌
బాలీవుడ్‌ నటుడు సల్మాన్‌ ఖాన్‌ ఎండార్స్‌ చేసిన క్రిప్టో అసెట్‌ టోకెన్… గారి టోకెన్… కేవలం 24 గంటల్లోనే 90 శాతం క్షీణించింది. వదంతులు, తప్పుడు ట్రేడింగ్‌ పద్ధతుల కారణంగా ఈ టోకెన్ పతనమైనట్లు వార్తలు వస్తున్నాయి. గారి నెట్వర్క్ గారి టోకెన్‌ను విడుదల చేసింది. దీన్ని కంటెంట్‌ క్రియేటర్స్‌ అయిన చింగారి నిర్వహిస్తోంది. బుధవారం ఈ టోకెన్ 87 శాతం క్షీణించి 0.75 డాలర్ల నుంచి 0.1 డాలర్‌కు పడిపోయింది. గురువారం స్వల్పంగా కోలుకుని 0.132 డాలర్ల వద్ద ట్రేడవుతోంది. ఈ కౌంటర్‌లో టర్నోవర్‌ కూడా సగానికి క్షీణించింది. ఇపుడు గారి నెట్వర్క్ మొత్తం మార్కెట్‌క్యాప్‌ 65 లక్షల డాలర్లకు పడిపోయింది. సొలానా బ్లాక్‌చైన్‌పై పనిచేసే చింగారి యాప్‌కు నేటివ్‌ టోకెన్ గారి టోకెన్. గూగుల్‌ ప్లే నుంచి చింగారి యాప్‌ను ఏకంగా 5 కోట్ల మంది డౌన్‌లోడ్‌ చేసుకున్నారు.
