రూ.4000 కోట్ల బ్యాంక్‌ స్కామ్‌… సీబీఐ దాడులు
కోల్‌కతాకు చెందిన కార్పొరేట్‌ పవర్‌ లిమిటెడ్‌కు చెందిన 16 ఆఫీసులపై సీబీఐ ఉదయం నుంచి దాడులు నిర్వహిస్తోంది. బ్యాంకులకు సమారు రూ. 4037.87 కోట్ల రుణాలను ఎగ్గొట్టిన కేసులో ఈ దాడులు జరుగుతున్నాయి. యూనియన్‌ బ్యాంక్‌ ఆఫ్‌ ఇండియా నేతృత్వంలోని కన్సార్టియంలో 20 బ్యాంకులు ఈ కంపెనీకి రుణాలు వచ్చాయి. యూనియన్‌ బ్యాంక్‌ ఆఫ్‌ ఇండియా ఇచ్చిన ఫిర్యాదు ఆధారంగా సీబీఐ కేసు నమోదు చేసింది. ముంబై, నాగ్‌పూర్, కోల్‌కతా, రాంచి, దుర్గాపూర్, విశాఖపట్నం, ఘజియాబాద్‌లలో సీబీఐ దాడులు నిర్వహిస్తోంది. అభిజిత్‌ గ్రూప్‌నకు చెందిన ఈ కంపెనీకి మనోజ్‌ జైశ్వాల్‌ ఛైర్మన్‌ కాగా, మేనేజింగ్ డైరెక్టర్‌గా అభిషేక్‌ జైశ్వాల్‌లపై సీబీఐ కేసు నమోదు చేసింది. తప్పుడు పత్రాలు సమర్పించి వీరు బ్యాంకుల నుంచి రుణాలు తీసుకున్నట్లు సీబీఐ పేర్కొంది. 2009 నుంచి 2013 మధ్యకాలంలో బ్యాంకులు ఈ రుణాలు మంజూరు చేశాయి.
