27న అదానీ విల్మర్‌ ఐపీఓ
అదానీ గ్రూప్‌నకు చెందిన అదానీ విల్మర్‌ పబ్లిక్‌ ఆఫర్‌ ఈనెల 27వ తేదీన ప్రారంభం కానుంది.ఈ ఆఫర్‌ ద్వారా రూ. 3600 కోట్లను సమీకరించనుంది. కంపెనీ ఫార్చ్యూన్‌ బ్రాండ్‌తో వివిధ రకాల ఆయిల్స్‌ను ఈ కంపెనీ అమ్ముతోంది. వాస్తవానికి ఈ కంపెనీ మార్కెట్‌ నుంచి రూ. 4500 కోట్ల వసూలు చేయాలని ప్రతిపాదించింది. తరవాత ఇష్యూ సైజ్‌ తగ్గించుకుంది. ఈ కంపెనీలో అదానీకి 50 శాతం, సింగపూర్‌కు చెందిన విల్మర్‌ గ్రూప్‌కు 50 శాతం వాటా ఉంది. ఇష్యూ ధర రూ. 218- రూ. 230. ఇష్యూ నిధుల్లో రూ. 1900 కోట్లను మూలధన వ్యయం కోసం, రూ. 1100 కోట్లు రుణాల చెల్లింపు కోసం వెచ్చిస్తారు. మిగిలిన రూ. 500 కోట్ల కొత్త కంపెనీల టేకోవర్‌ కోసం వినియోగిస్తారు.
