చిత్ర రామకృష్ణ అరెస్ట్‌
ఎన్‌ఎస్‌ఈ కో లొకేషన్‌ స్కామ్‌లో నిందితురాలు ఎన్‌ఎస్‌ఈ మాజీ సీఈఓ చిత్ర రామకృష్ణను సీబీఐ అధికారులు కొద్దిసేపటి క్రితం అరెస్ట్‌ చేశారు. ఆమె పెట్టుకున్న ముందస్తు బెయిల్‌ పిటీషన్‌ను నిన్న ఉదయమే సీబీఐ కోర్టు కొట్టివేసింది. కాని ఆమెను మాత్రం కాస్సేపటి క్రితం సీబీఐ అధికారులు అరెస్ట్‌ చేశారు. గత నెలలో ఆమెను నాలుగు రోజుల పాటు సీబీఐ అధికారులు విచారించినా అరెస్ట్‌ చేయలేదు. ఆమె ఇంటిపై సోదాలు కూడా నిర్వహించారు. ముందస్తు పిటీషన్‌ను కొట్టివేసిన 24 గంటల తరవాత ఇవాళ అరెస్ట్‌ చేసింది.
