ఐపీఓకు అయిదు ఫార్మా కంపెనీలు రెడీ
రాబోయే కొద్ది వారాల్లో తొలి పబ్లిక్‌ ఇష్యూ(ఐపీఓ)కు అయిదు ఫార్మా కంపెనీలు రెడీ ఉన్నాయి. ఇవి రూ.8,000 కోట్లకు పైగా నిధులను సమీకరించనున్నాయి. వీటిల్లో ప్రధాన ఆఫర్‌ బెయిన్‌ క్యాపిటల్‌కు చెందిన ఎంక్యూర్‌ ఫార్మా. ఈ కంపెనీ రూ.4,000 కోట్ల వరకు సమీకరించనుంది. విజయా డయాగ్నోస్టిక్‌ సెంటర్‌(రూ.1500 కోట్లు), కృష్ణ డయాగ్నోస్టిక్స్‌(రూ.1200 కోట్లు), సుప్రియ లైఫ్‌ సైన్సెస్‌(రూ.1200 కోట్లు), విండ్‌లాస్‌ బయోటెక్‌(రూ.400 కోట్లు)లు కూడా ఇదే నెలలోనే ఇష్యూకు రానున్నాయి. ఈ అయిదు కంపెనీలు రూ.8,300 కోట్లు సమీకరించేందుకు సిద్ధమయ్ఆయయి. ఇందులో కృష్ణ డయాగ్నోస్టిక్స్‌ ఐపీఓ ఆగస్టు 4న మొదలై 6న ముగియనుంది. ధరల శ్రేణిని రూ.933-954గా నిర్ణయించింది.
