పీఎఫ్‌ వడ్డీ రేటు పెంచుతారా?
EPFOకు చెందినఆర్థిక శాఖకు చెందిన ఫైనాన్స్‌ ఇన్వెస్ట్‌మెంట్‌ అండ్‌ ఆడిట్‌ కమిటీ రేపు సమావేశం కానుంది. పబ్లిక్‌ ప్రావిడెంట్‌ పండ్‌ సభ్యులకు వడ్డీ రేట్లు పెంచాలా లేదా ఉన్న వడ్డీ రేట్లను కొనసాగించాలన్న అంశంపై ఈ కమిటీ రేపు సమీక్షించనుంది. సమీక్ష తరవాత తన సిఫారసులను EPFO సెంట్రల్ బోర్డ్‌ ట్రస్టీలకు సిఫారసు చేసింది. వచ్చే నెల 4-5న గౌహతిలో బోర్డు ట్రస్టీలు సమావేశం అవుతున్నారు. అదే రోజు లేదా ఒక రోజు ముందు కమిటీ తన సిఫారసులను ఇవ్వనుంది. ఈ వారం జరిగే పరపతి విధానంలో బ్యాంకు వడ్డీ రేట్లను ఆర్బీఐ పెంచినా…ఈపీఎఫ్‌పై వడ్డీ రేటును వెంటనే కమిటీ పెంచకపోవచ్చని తెలుస్తోంది. ప్రస్తుతం ఈపీఎఫ్‌పై 8.5 శాతం వడ్డీ ఇస్తున్నారు. దీన్నే కొనసాగించే అవకాశముంది.
