ఇండియా వొద్దు… ఇండోనేషియా ముద్దు

మొత్తానికి భారత్‌లో టెస్లా ప్లాంట్‌ ఏర్పాటు చేసే ప్రతిపాదనను టెస్లా విరమించుకున్నట్లు తెలుస్తోంది. ఇటీవలి కాలంలో బ్యాటరీ, కార్ల తయారీదారులకు ఇండోనేషియా భారీ రాయితీలను, ప్రోత్సాహకాలను ప్రకటించింది. అనేక అంతర్జాతీయ కంపెనీలు ఆ దేశంలో కొత్తగా ప్లాంట్లు పెడుతున్నాయి. తాజాగా టెస్లా కూడా ఇండోనేషియాలో ప్లాంట్‌ ఏర్పాటుకు మొగ్గు చూపినట్లు తెలుస్తోంది. టెస్లా అధినేత ఎలాన్‌ మస్క్‌ ఇవాళ ఇండోనేషియా అధినేత జాకో విడొడొతో భేటీ కానున్నారు. అలాగే ప్లాంట్ ఏర్పాటు కోసం ఆ దేశం ఆఫర్‌ చేసిన వివిధ ప్రాంతాలను మస్క్‌ స్వయంగా పరిశీలించనున్నారు. ఎలక్ట్రిక్‌ కార్లకు బ్యాటరీలు చాలా ముఖ్యం. బ్యాటరీలలో వినియోగించే నికెల్‌ ఇండోనేషియాలో సమృద్ధిగా ఉంది. చూస్తుంటే టెస్లా ప్లాంట్ ఇండోనేషియాలోనే ఏర్పాటు అయ్యే అవకాశాలు కన్పిస్తున్నాయి.