లారస్‌ ల్యాబ్ కలెట్రాకు ఎఫ్‌డీఏ ఆమోదం
హైదరాబాద్‌కు చెందిన లారస్‌ ల్యాబ్ (Laurus Labs) తయారు చేసిన హెచ్‌ఐవీ డ్రగ్‌ కలెట్రా ట్యాబ్లెట్లకు అమెరికా ఔషధ నియంత్రణ సంస్థ ఫుడ్‌ అండ్‌ అడ్మినిస్ట్రేషన్‌ (FDA)ఆమోదం లభించింది. కంపెనీ ఇన్వెస్టర్లకు ఇదొక శుభవార్త. ఈ షేర్‌ నిన్న రూ. 602 వద్ద ముగిసింది. ఇంతకు మునుపు ఈ షేర్‌ క్షీణించి రూ. 500 ప్రాంతంలో నిలదొక్కుకుంది. ప్రస్తుత ధరలో ఈ షేర్‌ను కొనుగోలు చేయొచ్చని చాలా మంది అనలిస్టులు సలహా ఇస్తున్నారు. ఈ షేర్‌ ఆల్‌టైమ్‌ గరిష్ఠ స్థాయి రూ.724. మళ్ళీ ఈ స్థాయిని లారస్‌ ల్యాబ్ అందుకుంటుందని అనలిస్టుల అంచనా.
