2న మార్కెట్‌లోకి కియా ఈవీ6
మనదేశంలో జూన్ 2న ఈవీ6 ఎలక్ట్రిక్‌ వాహనాన్ని కియా మార్కెట్‌లోకి విడుదల చేస్తోంది. ఈవీ6 బుకింగ్స్ ఈనెల 26 నుంచి ప్రారంభ‌మ‌వుతాయ‌ని కంపెనీ పేర్కొంది. దిగుమ‌తి చేసుకోనున్న ఈ వెహిక‌ల్ భార‌త్‌లో కియాకు అత్యంత కీలక మోడల్‌ కానుంది. ఆధునిక హంగులతో సిద్ధమైన ఈ కారు కేవ‌లం 5.2 సెకండ్ల‌లోనే 0 నుంచి 100 కిలోమీట‌ర్ల వేగాన్ని అందుకుంటుంది. ఈవీ6 మిడ్‌సైజ్ ల‌గ్జరీ ఎస్‌యూవీ అయిన ఈ కారు ధ‌ర దాదాపు రూ 60 లక్షల నుంచి ప్రారంభం కావ‌చ్చని తెలుస్తోంది. కియా ఈవీ6ను ప‌రిమిత సంఖ్యలోనే విక్రయిస్తారు. ఈ కారుకు సంబంధించిన మరిన్ని వివరాలను కంపెనీ త్వరలోనే వెల్లడించనుంది.
