ఇక కేఎఫ్‌సీలో బిర్యానీ బకెట్‌
కేఎఫ్‌సీ..ఇక నుంచి బిర్యానీ బకెట్‌ను కూడా సర్వ చేయనుంది. హైదరాబాద్‌తో పాటు దేశంలోని అన్ని కేఎఫ్‌సీ రెస్టారెంట్లలో ఈ బిర్యానీ లభించనుంది. స్పైసీగ్రేవీతో బిర్యానీని తయారు చేసినట్లు కంపెనీ ఒక ప్రకటనలో తెలిపింది. హాట్‌ క్రిస్పీ బిర్యానీ బకెట్‌, పాప్‌కార్న్‌ చికెన్‌ బిర్యానీ బకెట్‌, స్మోకీ గ్రిల్డ్‌ బిర్యానీ బకెట్‌, వెజ్‌ బిర్యానీ బకెట్‌ పేర్లతో నాలుగు వైవిధ్యభరితమైన బిర్యానీలను తమ కస్టమర్లకు అందించనున్నట్లు కంపెనీ పేర్కొంది. ఆర్డర్‌ చేసిన ఏడు నిముషాల్లో పికప్‌ కోసం సిద్ధం చేస్తామని, గడువులోగా ఇవ్వకపోతే వినియోగదారులకు హాట్‌, క్రిస్పీ చికెన్‌ను కాంప్లిమెంటరీగా అందిస్తామన్నారు. కేఎఫ్‌సీ బిర్యానీ బకెట్‌ ధర రూ. 169 నుంచి ప్రారంభమవుతుంది. కేఎఫ్‌సీ యాప్‌ లేదా వెబ్‌సైట్‌ ద్వారా కూడా టేక్‌ అవే తెప్పించుకోవచ్చు.
