చిత్ర రామకృష్ణ అరెస్ట్‌ తప్పదా?
ఎన్‌ఎస్‌ఈ స్కామ్‌ కేసులో మాజీ సీఈఓ చిత్ర రాకమృష్ణను సీబీఐ అధికారులు ఇవాళ అరెస్ట్‌ చేసే అవకాశముంది. తనను అరెస్ట్‌ చేయకుండా ముందస్తు బెయిలు ఇవ్వాలంటూ ఆమె పెట్టుకున్న దరఖాస్తును సీబీఐ కోర్టు కొట్టివేసింది. చిత్ర ముందస్తు బెయిల్‌ పిటీషన్‌ను సీబీఐ తీవ్రంగా వ్యతిరేకించింది. దీంతో ఆమెను ఇవాళ అరెస్ట్‌ చేసే అవకాశముందని వార్తలు వస్తున్నాయి. ఫిబ్రవరి 25న చిత్ర ఇంటిపై సోదాలు నిర్వహించిన సీబీఐ.. నాలుగు రోజులు పాటు ఆమెను విచారించింది.
