ఫేస్‌బుక్‌ పేరు మారుతోంది!
సోషల్‌ మీడియాలో ఫేస్‌బుక్‌ ఉన్న క్రేజ్‌ తెలిసిందే. వివాదాలు కూడా చాలా ఎక్కువ. ఇక కంపెనీ చీఫ్‌ ఎగ్జిక్యూటివ్‌ ఆఫీసర్‌ మార్క్‌ జూకర్‌బర్గ్‌కు సంబంధించిన వివాదాలు కూడా అధికంగా ఉన్నాయి. ఇపుడ మళ్ళీ ఫేస్‌బుక్‌ వార్తలో ఉంది. తాజా వార్త ఏమిటంటే… ఫేస్‌బుక్‌ పేరును మారుస్తున్నారు. వచ్చేవారం దీనికి సంబంధించిన వార్త వెలువడనుంది. నిజానికి ఈనెల 28వ తేదీన కంపెనీ వార్షిక కనెక్ట్‌ కాన్ఫరెన్స్‌ జరుగనుంది. ఈ సమావేశంలో పేరు మార్పుకు సంబంధించి అధికారిక ప్రకటన వస్తుందని భావిస్తున్నారు. అయితే అంతకన్నా ముందే పేరు మార్చవచ్చని కూడా ద వెర్జ్‌ పత్రిక పేర్కొంది. తనకున్న ఇన్‌స్ట్రాగ్రామ్‌, వాట్సప్‌, ఒకులస్‌లలో ఫేస్‌బుక్‌ను కీలక యాప్‌గా రీబ్రాండ్‌ చేయాలని జూకర్‌బర్గ్‌ భావిస్తున్నట్లు తెలుస్తోంది.
