విక్రాంత్‌ రోణ… ఫస్ట్‌ డే రికార్డ్‌
సుదీప్‌ నటించిన విక్రాంత్‌ రోణకు పాజిటివ్‌ టాక్‌ లభిస్తోంది. ఓపెనింగ్‌ డే కలెక్షన్స్‌ను ప్రొడ్యూసర్స్ ఇంకా ప్రకటించకున్నా… ప్రపంచ వ్యాప్తంగా ఈ సినిమా రూ. 40 కోట్లు వసూలు చేసినట్లు పరిశ్రమ వర్గాలను పేర్కొంటూ ఇండియా టుడే రాసింది. ఒక్క కర్ణాటకలోనే ఈ సినిమా దాదాపు రూ. 17.50 కోట్లకు పైగా వసూలు చేసినట్లు సమాచారం. బెంగళూరుతో పాటు ఇతర నగరాల్లో ఆక్యుపెన్సీ చెప్పుకోదగ్గ స్థాయిలో లేదు. దీనికి కారణం.. సినిమా గురువారం విడుదల కావడం. నాన్ హాలిడే రోజుతో పాటు వీకెండ్‌ కాకపోవడంతో… సినిమా కలెక్షన్స్‌ తగ్గాయని.. అయితే వారాంతంలో బాక్సాఫీస్‌ వద్ద ఈ సినిమా కొత్త రికార్డు నెలకొల్పుతుందని భావిస్తున్నారు. రూ. 95 కోట్ల బడ్జెట్‌తో తీసిన ఈ మూవీ తొలి వారంలోనే బంపర్ లాభాలను తెచ్చి పెట్టే అవకాశముంది. తెలుగుతో పాటు తమిళం, హిందీలో ఈ సినిమాకు మంచి టాక్‌ వస్తోంది. ముఖ్యంగా హిందీలో బీ,సీ సెంటర్లలో ఈ సినిమా కలెక్షన్స్‌ క్రమంగా పెరుగుతాయని అంచనా వేస్తున్నారు. సౌత్‌ నుంచి వస్తున్న మూవీ ఏదో ఒక విధంగా డిఫరెంట్‌గా ఉండటంతో ఉత్తరాదిలో మంచి టాక్‌ వస్తోంది. పుష్ప, ఆర్‌ఆర్‌ఆర్‌, కేజీఎఫ్‌-2, విక్రాంత్‌ … అన్నీ సినిమాలు భిన్న కథలతో రావడం… విక్రాంత్‌ రోణ స్టోరీ కొత్తది కావడంతో ప్రేక్షకులను అలరిస్తోంది.
