5జీ: ట్రయల్స్‌లో వొడాఫోన్ రికార్డు
దేశంలో 5జీ సేవల ట్రయల్స్‌లో వొడాఫోన్ ఐడియా రికార్డు నెలకొల్పింది. 3.7 జీబీపీ వేగంతో డేటాను బదిలీ చేసినట్లు వొడాఫోన్ తెలిపింది. గాంధీనగర్, పూణేలో కేటాయించిన మిడ్‌ బ్యాండ్‌ స్పెక్ట్రమ్‌లో నిర్వహించిన ట్రయల్స్‌లో 1.5 జీబీపీ వరకు గరిష్ఠ డౌన్ లోడ్ వేగాన్ని అందుకున్నట్లు కంపెనీ పేర్కొంది. రిలయన్స్ జియో, భారతి ఎయిర్ టెల్ 5జీ స్పీడ్ కంటే వీఐ డౌన్ లోడ్ స్పీడ్ ఎక్కువ. జూన్ నెలలో జియో 1 జీబీపీల గరిష్ట వేగాన్ని నమోదు చేసిందని, జూలైలో ఎయిర్ టెల్ 1.2జీబీపీ గరిష్ట వేగాన్ని నమోదు చేసిందని డీఓటీ తెలిపింది. టెలికామ్ కంపెనీలు అన్నీ ప్రస్తుతం దేశవ్యాప్తంగా 5జీ సేవలను అందించడం కోసం సిద్దమవుతున్నాయి.
