డాలీ ఖన్నా కొన్నారు… ఇన్వెస్టర్లు ఎగబడుతున్నారు

ప్రముఖ స్టాక్‌ మార్కెట్‌ ఇన్వెస్టర్‌ డాలీ ఖన్నా తాజాగా కొనుగోలు చేసిన టిన్నా రబ్బర్ అండ్ ఇన్ఫ్రా స్ట్రక్చర్ అనే స్పెషాల్టీ కెమికల్ కంపెనీ రికార్డు లాభాలు సాధించింది. మూడో త్రైమాసికంలో ఈ షేర్‌ను ఈమె కొనుగోలు చేసినట్లు మింట్‌ పత్రిక వెల్లడించింది. మొత్తం 1,42,739 షేర్లు కొనుగోలు చేసినట్లు తెలుస్తోంది. ఇది కంపెనీ మొత్తం వాటాలో 1.7శాతం. ఈ విషయం మీడియాలో వచ్చిన తరవాత ఈ షేర్‌ కోసం ఇన్వెస్టర్లు ఎగబడుతున్నారు. ఇవాళ మూడో రోజు కూడా ఈ షేర్‌ అప్పర్‌ సీలింగ్‌ను తాకింది. నిన్న .192.55 వద్ద ముగిసిన ఈ షేర్‌ ఇవాళ రూ.202.15 వద్ద అప్పర్‌ సర్క్యూట్‌ను తాకింది. గత 24 నెలల్లో ఈ షేర్‌ 500శాతం పెరగ్గా, గత నెలరోజుల్లోనే 50శాతం పెరిగింది. హర్యానాలోని ఫరీదాబాద్‌లో ఉన్న టిన్నా రబ్బర్ అండ్ ఇన్‌ఫ్రాస్ట్రక్చర్ వేస్ట్ టైర్లనుంచి డౌన్ లైన్ ప్రొడక్ట్స్‌ని తయారు చేసే వ్యాపారంలో ఉంది. ఎమల్షన్ , రబ్బర్ బూట్లు, రబ్బర్ తొడుగులు, రిక్లైమ్ రబ్బర్, మెటల్ షాట్స్, స్టీల్ గ్రిట్స్ , వైర్ ఉత్పత్తులను తయారు చేస్తుంది.