శిల్పాకు ప్రేమతో… రూ. 38 కోట్ల బంగ్లా

పోర్నోగ్రఫీ వీడియో యాప్‌లను నిర్వహిస్తున్నారంటూ ఆరోపణలు ఎదుర్కొంటున్న బాలీవుడ్ ప్రొడ్యూసర్.. నటి శిల్పా శెట్టి భర్త రాజ్ కుంద్రా మళ్ళీ వార్తల్లో నిలిచాడు. ఈసారి భార్య శిల్పా శెట్టికి జుహూలోని ఓ బంగ్లాను తన భార్య పేరున మార్చి రాజ్ కుంద్రా వార్తల్లో నిలిచాడు. ప్రస్తుతం రాజ్‌ కుంద్రా బెయిల్‌పై బయట ఉన్న విషయం తెలిసిందే. జుహూలోని గాంధీగ్రామ్‌ రోడ్డులో ఉన్న ఈ బంగ్లా 5,995 చదరపు అడుగుల్లో ఉంది. ఈ బంగ్లాలోని మొదటి ఫ్లోర్‌లోని అయిదు ఫ్లాట్లను భార్య పేరున రాజ్‌కుంద్ర బదిలీ చేశారు. జనవరి 21న ఈ డీల్‌ రిజిస్ట్రేషన్‌ జరిగిందని, దాదాపు రూ. 38.5 కోట్ల విలువైన ఈ బంగ్లా రిజిస్ట్రేషన్‌ కోసం రూ. 1.9 కోట్లు ఫీజు కింద చెల్లించినట్లు మనీకంట్రోల్‌ డాట్‌ కామ్‌ అనే వెబ్‌సైట్‌ పేర్కొంది. ఈ ప్రాంతంలో ప్రస్తుత మార్కెట్ విలువ ఒక్కో చదరపు అడుగు రూ. 65,000 వరకూ ఉందని తెలిపింది. బీచ్‌కు కేవలం 300 మీటర్ల దూరంలో ఈ బంగ్లా ఉండటం విశేషం.