ఆర్‌ఆర్‌ఆర్‌కు గోల్డన్‌ గ్లోబ్స్‌ నామినేషన్స్‌
హాలివుడ్‌లో ఆస్కార్‌ తరవాత అంతటి ప్రతిష్ఠ గల అవార్డులు.. గోల్డన్‌ గ్లోబ్స్‌ అవార్డులు. 2023 ఏడాదికి గోల్డన్‌ గ్లోబ్స్‌ అవార్డుల కోసం నామినేషన్స్‌ను ప్రకటించారు. వాటిలో రెండు కేటగిరీలలో ఆర్‌ఆర్‌ఆర్‌కు నామినేషన్స్‌ దక్కాయి. మోషన్‌ పిక్చర్‌- ఫారిన్‌ లాంగ్వేజ్‌ కేటగిరిలో ఆర్‌ఆర్‌ఆర్‌ నామినేషన్‌ దక్కగా… ఈ సినిమాలో నాటు నాటు పాటకు సంగీతం సమకూర్చిన ఎంఎం కీరవాణికి మోషన్‌ పక్చర్‌ – ఒరిజినల్‌ స్కోర్‌ కేటగిరిలో నామినేషన్‌ దక్కింది. ఒక్కో కేటగిరికి అయిదు చిత్రాలను నామినేట్‌ చేశారు. ఫారిన్‌ కేటగిరిలో ఆర్‌ఆర్‌ఆర్‌కు పోటీగా ఆల్ క్వయిట్‌ ఆన్‌ ద వెస్టర్న్‌ ఫ్రంట్‌ (జర్మనీ), అర్జంటైనా 1985 (అర్జంటైనా), క్లోజ్‌ (బెల్జియం), డెసిషన్‌ టు లవ్‌ (దక్షిణ కొరియా) చిత్రాలు ఉన్నాయి.
