అక్కడో క్లోజైంది

మార్కెట్‌ ఇవాళ స్థిరంగా ఉంది. ఇవాళ నిఫ్టి వీక్లీ ఆప్షన్‌ డెరివేటివ్స్‌ క్లోజింగ్‌. దీంతో ఉదయం చాలా మంది సాధారణ ఆప్షన్స్‌ క్లోజయ్యాయి. ఆ సమయంలో షార్ట్‌ కవరింగ్‌తో నిఫ్టి స్వల్పంగా పెరిగి 23675ని తాకినా.. తరవాత క్రమంగా లాభాలు కరిగిపోయాయి… 23484 పాయింట్ల కనిష్ఠ స్థాయిని తాకింది. 200 రోజుల సగటును కాపాడుకునేందుకా అన్నట్లు నిఫ్టి అక్కడి నుంచి స్వల్పంగా కోలుకుని 23,532 వద్ద ముగిసింది. క్రితం ముగింపుతో పోలిస్తే నిఫ్టి 26 పాయింట్లు నష్టపోయింది. అయితే సెన్సెక్స్‌ మాత్రం 110 పాయింట్ల నష్ఠంతో ముగిసింది. రేపు మార్కెట్లకు సెలవు. అంటే మార్కెట్‌ మళ్లీ తెరిచేది సోమవారం. మళ్ళీ బుధరవారం క్లోజ్‌. దీంతో ఇన్వెస్టర్లు ఇవాళ్టి ట్రేడింగ్‌లో పెద్దగా ఆసక్తి చూపలేదు. నిఫ్టి బ్యాంక్‌ వీక్లీ ఆప్షన్స్ క్లోజ్‌కావడంతో టర్నోవర్‌ కూడా తగ్గినట్లు కన్పిస్తోంది.ఇక షేర్ల విషయానికొస్తే… నిఫ్టి షేర్లలో ఐషర్‌ మోటార్స్‌ ఇవాళ 6.59 శాతం లాభంతో టాప్‌ గెయినర్‌గా నిలిచింది. తరవాతి స్థానాల్లో హీరో మోటోకార్ప్‌, గ్రాసిం, కొటక్‌ బ్యాంక్‌తోపాటు హెచ్‌డీఎఫ్‌సీ లైఫ్‌ ముగిశాయి. ఇక నష్టాల్లో ముగిసిన నిఫ్టి షేర్లలో హిందుస్థాన్‌ లీవర్‌ రెండు శాతం నష్టపోయింది. తరవాతి స్థానాల్లో ఉన్న బీపీసీఎల్‌, బ్రిటానియా, టాటా కన్జూమర్‌, నెస్లే షేర్లు కూడా రెండు శాతం నష్టంతో క్లోజ్‌ కావడం విశేషం.