స్టీల్ ప్లాంట్‌కు శంకుస్థాపన
కడప జిల్లాల్లో స్టీల్ ప్లాంట్‌కు రాష్ట్ర ముఖ్యమంత్రి జగన్మోహన్‌ రెడ్డి భూమిపూజ చేశారు. స్టీల్ ప్లాంట్ భూమి పూజ చేయడం ఇది రెండోసారి. కడపజల్లా జమ్మలమడుగు మండలం, సున్నపురాళ్లపల్లె దగ్గర జేఎస్‌డబ్ల్యూ స్టీల్ కంపెనీ ఈ స్టీల్‌ప్లాంట్‌ను నెలకొల్పనుంది. ఈ సందర్భంగా ముఖ్యమంత్రి మాట్లాడుతూ స్టీల్‌ప్లాంట్‌ నిర్మాణం మూడు దశల్లో పూర్తి చేస్తారని అన్నారు. తొలి దశ 36 నెలల్లో పూర్తవుతుందని, ఈ దశలో రూ.3,300 కోట్లను ఖర్చు పెడతారని అన్నారు. 3500 ఎకరాల భూమి .. రూ. 700 కోట్లతో మౌలిక సదుపాయాలను తమ రాష్ట్ర ప్రభుత్వం కల్పిస్తోందని సీఎం జగన్‌ ఈ సందర్భంగా వెల్లడించారు.ఈ ప్లాంట్ కోసం చాలా కష్ట పడ్డామని.. మంచి రోజులు వచ్చాయన్నారు. స్టీల్ సిటీ కావాలనే అభివృద్ధి పనులు చేస్తున్నామని జగన్‌ స్పష్టం చేశారు.
