డీసీఎక్స్‌ ఐపీఓ ధరల శ్రేణి ఖరారు
కేబుల్స్‌, వైర్‌ హార్నెస్‌ అసెంబ్లీస్‌ తయారు చేసే డీసీఎక్స్‌ సిస్టమ్స్‌ కంపెనీ పబ్లిక్‌ ఇష్యూ ఆఫర్‌ చేస్తున్న విషయం తెలిసిందే. ఈనెల 31వ తేదీన పబ్లిక్‌ ఆఫర్‌ ప్రారంభం కానుంది. నవంబర్‌ 2న ముగియనుంది. ఈ పబ్లిక్‌ ఆఫర్‌ ధరల శ్రేణిని రూ.197 – రూ. 207గా ఖరారు చేశారు. ఈ పబ్లిక్‌ ఆఫర్‌ నుంచి కంపెనీ రూ. 500 కోట్లను సమీకరించనుంది. రూ.100 కోట్ల విలువైన షేర్లను ఈ పబ్లిక్‌ ఆఫర్‌ ద్వారా ప్రమోటర్లు అమ్ముకుంటున్నారు. మిగిలిన రూ. 400 కోట్లు కొత్తగా జారీ చేస్తున్నవే. రుణాలను తిరిగి చెల్లించడం, అదనపు వర్కింగ్‌ క్యాపిట్‌, అనుబంధ సంస్థ రానీల్‌ అడ్వాన్స్‌డ్‌ సిస్టమ్స్‌లో పెట్టుబడికి ఇప్యూ నిధులను వెచ్చించనున్నారు.
