రూ. 149లకు 10వేలకుపైగా సినిమాలు, షోలు
ఎయిర్‌ టెల్‌ ఎక్స్‌ట్రీమ్‌ ప్రీమియం (Airtel Xstream Premium) పేరుతో ఎయిర్టెల్ సంస్థ కొత్త యాప్‌ను తీసుకు వచ్చింది. తమ ఖాతాదారులకు నెలకు రూ. 149 చెల్లిస్తే చాలు ఈ యాప్ సబ్‌స్క్రయిబ్‌ అవ్వొచ్చు. దీంతో ఓటీటీలను వెతుక్కోకుండా… ఇందులోనే దేశీయ, విదేశాలకు చెందిన 15 ఓటీటీల్లోని సినిమాలను, షోలను చూడొచ్చు. వీటిలో 10,500 సినిమాలు, షోలు ఉన్నాయని.. వీటికి తోడు సోనీ లివ్, ఎరోస్ నౌ, లైన్స్ గేట్ ప్లే, హోయి చోయ్, మనోరమ మ్యాక్స్, షెమారూ, అల్ట్రా, హంగామా ప్లే, ఎపికాన్, డాక్యుబే, డివో టీవీ, క్లిక్, నమ్మప్లెక్స్, డాలీవుడ్, షార్ట్స్ టీవీ వంటి వీడియో స్ట్రీమింగ్ సేవలను ఎయిర్టెల్ ఎక్స్‌ట్రీమ్‌ ప్రీమియం యాప్‌లో చూడొచ్చు. మొబైల్ , టాబ్లెట్ , ల్యాప్‌టాప్‌లలో ఉపయోగించి యాప్ లేదా వెబ్‌సైట్‌ ద్వారా ఈ సేవలు పొందొచ్చు. ఎయిర్టెల్ ఎక్స్‌ట్రీమ్‌ సెటాప్ బాక్స్ ద్వారా టీవీల్లోనూ చూడొచ్చు.
