ఎంతెంత పతనం? ఇంకెంత పతనం?
నవంబర్ 18, 2021
పేటీఎం లిస్టింగ్‌.
ఇష్యూ ధర రూ. 2150.
లిస్టింగ్‌ రోజు క్లోజింగ్‌ ధర రూ.1955.
మార్కెట్‌ క్యాపిటలైజేషన్‌ రూ.1.38 లక్షల కోట్లు
…
మార్చి 22
పేటీఎం షేర్‌ క్లోజింగ్‌ ధర రూ. 543.50
(నిజానికి ఇంట్రా డేలో ఈ షేర్‌ రూ.540.35ని తాకింది)
మార్కెట్‌ క్యాపిటలైజేషన్‌ రూ. 35,247 కోట్లు…
….
కేవలం నాలుగు నెలల్లో ఈ కంపెనీ మార్కెట్‌ క్యాపిటలైజేషన్‌ ఏకంగా 75 శాతం క్షీణించింది. ఈ కంపెనీ ఇన్వెస్టర్ల షేర్ల విలువ రూ. 1.03 లక్షల కోట్లు తగ్గిందన్నమాట. రూ. 2150లకు ఆఫర్‌ చేసిన ఈ షేర్‌ లిస్టింగ్‌ రోజున రూ. 1961కి చేరింది.(ఇంట్రా డేలో) అంటే మళ్ళీ ఇన్వెస్టర్లు ఆఫర్‌ ధరను చూడకపోగా… నమ్ముకుని ఉంచుకున్నవారు నట్టేట మునిగిపోయారు. ఆరంభంలో ఈ కంపెనీనికి ఆకాశానికెత్తిన బ్రోకర్లు… తరవాత చెంపలేసుకున్నారు. మరి ఈ కంపెనీ వ్యాల్యూయేషన్‌ లెక్కించిన బ్యాంకర్లపై సెబీ కూడా ఎలాంటి చర్యలు తీసుకోలేదు. పోనీ… ఈ స్థాయిలోనైనా ఈ షేర్‌ విలువ అంటే చెప్పే దిక్కులేదు. గతంలో ఒక్రటెండు రీసెర్చి సంస్థలు ఈ షేర్‌ వ్యాల్యూను తగ్గించి… టార్గెట్‌ ఇచ్చారు. ఆ టార్గెట్లను కూడా కాదని… క్షీణిస్తోంది ఈ షేర్‌. తాజాగా ఓ సంస్థ ఈ షేర్‌ టార్గెట్‌ రూ.480గా పేర్కొంది. చూస్తుంటే ఆ స్థాయి దిగువకు కూడా వచ్చేసేలా ఉంది. ఈ కంపెనీ షేర్‌ జోలికి వచ్చేందుకు రీసెర్చి సంస్థలు కూడా ఇపుడు జంకుతున్నాయి. దీంతో ఈ షేర్‌ విలువ గాలిలో దీపంలో మారింది.
