ఎల్ఐసీ ప్రస్తుత విలువ రూ.5 లక్షల కోట్లు!
లైఫ్ ఇన్సూరెన్స్ కార్పొరేషన్ ఆఫ్ ఇండియా (ఎల్ఐసీ) సహజసిద్ధమైన విలువను రూ .5 లక్షల కోట్ల( 6,680 కోట్ల డాలర్లు) కంటే ఎక్కువగానే ఉంటుందని పెట్టుబడులు, ప్రజా ఆస్తుల నిర్వహణ విభాగం (దీపమ్ ) కార్యదర్శి తుహిన్‌ కాంత పాండే వెల్లడించారు . ఇక ఎంటర్ప్రైజ్ విలువ దానికి కొన్ని రెట్లు ఎక్కువ ఉంటుందని అన్నారు. రాయిటర్స్ వార్తా సంస్థకు ఇచ్చిన ఇంటర్వ్యూలో ఆయన ఈ విషయాలను వెల్లడించింది . ఎల్ఐసీ మార్కెట్ విలువ ఎంబెడెడ్‌ అంటే సహజసిద్ధమైన విలువకు నాలుగు రెట్లు అధికంగా ఉంటుందని మీడియాలో వార్తలు వస్తున్నాయి. ఎల్‌ఐసీలో కొద్ది వాటాను విక్రయించడం ద్వారా 120 కోట్ల డాలర్ల (రూ .90,000 కోట్లు) వరకు సమీకరించాలని ప్రభుత్వం భావిస్తోంది. దీంతో ఈ ఆర్థిక సంవత్సరం ద్రవ్యలోటు పూడ్చుకోవాలని భావిస్తోంది. వచ్చే వారంలోనే సెబీకి ప్రాస్పెక్టస్‌ పత్రాలను ఎల్ఐసీ సమర్పించనుంది. ఈ పత్రాల్లో దీనికి సంబంధించిన మరింత స్పష్టమైన సమాచారం లభిస్తుంది. ఎల్ఐసీ లిస్టింగ్ అయ్యాక మార్కెట్ విలువ పరంగా చూస్తే దేశంలోనే అతిపెద్ద అయిదు కంపెనీల జాబితాలో చేరే అవకాశాలు ఉన్నాయి.
