బంపర్‌ లాభంతో లిస్టయిన మెడ్‌ప్లస్‌
హైదరాబాద్‌కు చెందిన మెడ్‌ప్లస్‌ హెల్త్‌ సర్వీసెస్‌ కంపెనీ షేర్లు ఇవాళ 30 శాతంపైగా లాభంతో రూ. 1040 వద్ద లిస్టయ్యాయి. ఇపుడు 35 శాతం లాభంతో రూ. 1,070 వద్ద ట్రేడవుతోంది. ఈ కంపెనీ ఒక్కో షేర్‌ను రూ.796లకు ఆఫర్‌ చేసిన విషయం తెలిసిందే. ఈ పబ్లిక్‌ ఆఫర్‌ 52 రెట్లు ఓవర్‌ సబ్‌స్క్రయిబ్‌ అయింది. దీంతో అనధికార మార్కెట్‌లో ఈ షేర్‌కు భారీ ప్రీమియం లభించింది. 2015లో ప్రారంభమైన ఈ కంపెనీకి 150 నగరాల్లో 1300 రీటైల్‌ ఫార్మా స్టోర్లు ఉన్నాయి. అలాగే కొన్ని చోట్ల క్లినికల్‌ లేబరొరేటరీలు కూడా ఉన్నాయి.
