14నెలల గరిష్ఠానికి…

వినియోగ ధరల సూచీ (సీపీఐ) ఆధారిత ద్రవ్యోల్బణం… మరోలా చెప్పాలంటే రీటైల్‌ ద్రవ్యోల్బణం 14 నెలల గరిష్ఠాన్ని తాకింది. అక్టోబర్‌ నెలలో రీటైల్‌ ద్రవ్యోల్బణం 6.1 శాతానికి చేరినట్లు కేంద్ర గణాంకాల శాఖ వెల్లడించింది. సెప్టెంబర్ నెలలో ఈ ద్రవ్యోల్బణం 5.49 శాతం ఉండేది. ధరలు పెరుగుదల పట్టణ ప్రాంతాల్లో కన్నా గ్రామీణ ప్రాంతాల్లో అధికంగా ఉండటం విశేషం. పట్టణ ప్రాంతాల్లో రీటైల్‌ ద్రవ్యోల్బణం 5.62 శాతం ఉండగా, గ్రామీణ ప్రాంతాల్లో ఈ దవ్రోల్బణం 6.68 శాతం ఉందని కేంద్రం పేర్కొంది. తాజా గణాంకాలు ఆర్బీఐని డిఫెన్స్‌లో పడేశాయి. గరిష్ఠ స్థాయిలో రీటైల్‌ ద్రవ్యోల్బణం ఆరు శాతం ఉంటుందని ఆర్బీఐ అంచనా వేసింది. ఇపుడు ఆ అంచనాలను రీటైల్‌ ద్రవ్యోల్బణం దాటింది. ఆహార వస్తువుల ధరలు అధికంగా ఉన్నాయని కేంద్రం అంటోంది. ఆహార వస్తువుల ద్రవ్యోల్బణ సూచీ అక్టోబర్‌ నెలలో 10.87 శాతం చొప్పున పెరిగినట్లు వెల్లడించింది. ముఖ్యంగా కాయగూరలు, పండ్లు, నూనెల ధరలు భారీగా పెరగడమే దీనికి కారణమని పేర్కొంది.