అయ్యో… ప్రీమియం లేదా?

ఈ వారం ప్రారంభం కానున్న అతి పెద్ద ఇష్యూలలో స్విగ్గి కీలకమైంది. మార్కెట్‌ నుంచి రూ. 11322 కోట్ల సమీకరించేందుకు స్విగ్గీ ఈనెల 6న అంటే బుధవారం ప్రారంభం కానుంది. ధరల శ్రేణస్త్రి రూ. 370 – రూ. 390. అయితే అనధికార మార్కెట్‌లో ఈ ఇష్యూకు పెద్ద ఆదరణ లభించడం లేదు. ఇష్యూ ధర ఎక్కువగా ఉందని… దాదాపు పూర్తి వ్యాల్యూను వసూలు చేస్తున్నారని… ఇన్వెస్టర్లకు దక్కేది పెద్దగా లేదని విశ్లేషకులు అంటున్నారు. హ్యుందాయ్‌ ఇష్యూకు తరవాత స్విగ్గీ ఇష్యూకు కూడా అదే స్థాయిలో ఆదరణ లభిస్తుందా అన్న అనుమానం వ్యక్తం అవుతోంది. ఇష్యూ పూర్తిగా సబ్‌ స్క్రయిబ్‌ అయినా… ప్రీమియం పెద్దగా ఉండకపోవచ్చని తెలుస్తోంది. ఇపుడు అనధికార మార్కెట్‌లో అంటే గ్రే మార్కెట్‌లో కేవలం రూ. 19 ప్రీమియం పలుకుతోంది. అంటే ఇష్యూ ధరపై 5 శాతం ప్రీమియం మాత్రమేనన్నమాట. మరి లిస్టింగ్‌ రోజుకు ఈ ప్రీమియం కూడా ఉంటుందా అనుమానం కూడా ఉంది. అయితే అమితాబ్‌ నుంచి మాధురీ దీక్షిత్‌ వరకు చాలా మంది సినీ ప్రముఖులు, క్రికెటర్లు ఈ ఇష్యూకు అండగా నిలుస్తున్నారు. మరి ఈ ఇష్యూ లిస్టింగ్‌ తేదీ నాటికి ఏదైనా మ్యాజిక్‌ జరుగుతుందేమో చూడాలి.