లాభాల్లో ప్రారంభం కానున్న నిఫ్టి

అంతర్జాతీయ మార్కెట్‌లో క్రూడ్‌ ధరలు ఆరు శాతంపైగా క్షీణించడంతో మన మార్కెట్లు లాభాల్లో ప్రారంభమయ్యే అవకాశముంది. గిఫ్ట్‌ నిఫ్టి ప్రస్తుతం 180 పాయింట్ల లాభంలో ఉంది. ఉదయం ఆరంభంలోనే 250 పాయింట్ల లాభంలో ఉన్న గిఫ్ట్‌ నిఫ్టి క్రమంగా తగ్గుతోంది. ప్రస్తుతం ఆయిల్ ధరలు తగ్గడం వినా మరో వార్త లేదు. కేవలం మీడియాలో వస్తున్న వార్తల ఆధారంగా మార్కెట్‌ నడుస్తోంది. అయితే అమెరికా ఫ్యూచర్స్‌ను బట్టి మన మార్కెట్‌ కదలాడే ఛాన్స్‌ ఉంది. అమెరికా మార్కెట్ల బాటలోనే ఇతర ఆసియా మార్కెట్లు నడుస్తున్నాయి. దాదాపు అన్ని మార్కెట్లు గ్రీన్‌లో ఉన్నాయి. ప్రస్తుతానికి లాభాలు రెండు శాతం దాకా ఉన్నాయి. ముఖ్యంగా జపాన్‌, చైనా, హాంగ్‌కాంగ్‌ మార్కెట్లు ఒక శాతం నుంచి రెండు శాతం వరకు లాభాల్లో ట్రేడవుతున్నాయి.