బాక్సాఫీస్‌: డబుల్‌ సెంచురీ
ఈసారి బాలీవుడ్‌కు అసలు దీపావళి. విడుదలైన రెండు సినిమాలు బాక్సాఫీస్‌ వద్ద దుమ్మురేపుతున్నాయి. ముఖ్యంగా గ్రామీణ ప్రాంతాల్లోని సింగిల్‌ స్క్రీన్స్‌లో భారీ కలెక్షన్స్‌ సాధిస్తున్నాయి. అజయ్‌ దేవగన్‌, రోహిత్‌ శెట్టి కాంబినేషన్‌లో వచ్చిన మల్టి స్టారర్‌ మూవీ సింగమ్‌ అగైన్‌ మూవీ ఇవాళ్టితో వంద కోట్ల క్లబ్‌లో చేరింది. శుక్రవారం విడుదలైన ఈ సినిమా తొలి రోజు రూ. 43.70, రెండో రోజు రూ. 44.5 కోట్లను వసూలు చేసింది. ఇవాళ కలెక్షన్స్‌ రూ. 50 కోట్లను దాటుతాయని బాలీవుడ్ అంచనా. దీంతో ఈ సినిమా మూడు రోజుల్లోనే సెంచురీ దాటింది. ఇక ఈ సినిమాకు పోటీగా విడుదలైన భూల్‌ భులయ్య 3 కూడా వంద కోట్ల క్లబ్‌లో కేరింది. భూల్‌ భులయ్య 2 మొత్తం కలెక్షన్స్‌ వంద కోట్ల వరకు ఉండగా, మూడో సీక్వెల్‌ మూడు రోజుల్లోనే ఆ రికార్డును బ్రేక్‌ చేసింది. తొలి రోజు రూ. 36.60 కోట్లు, రెండో రోజు రూ. 38.4 కోట్ల కలెక్షన్స్‌ సాధించిన ఈ మూవీ ఇవాళ రూ. 40 కోట్ల కలెక్షన్స్‌ను దాటుతుందని బాలీవుడ్ వర్గాలు అంటున్నాయి. దీంతో ఈ సినిమా కూడా రూ.100 ప్లస్ కోట్ల బ్లాక్‌లో చేరనుంది. కేవలం మూడు రోజుల్లో ఈ రెండు సినిమాలు దాదాపు రూ. 250 కోట్లను కలెక్ట్‌ చేస్తాయని భావిస్తున్నారు. ఈ కలెక్షన్స్‌ నేపథ్యంలో గత శుక్రవారం చాలా మంది అనలిస్టులు పీవీఆర్‌ ఐనాక్స్‌ షేర్‌ కొనాల్సిందిగా రెకమెండ్‌ చేశారు. మరి ఈ షేర్‌ సోమవారం ఎలా ఓపెన్‌ అవుతుందో చూడాలి.
